Shir  weynihii  labaad ee ururka NSUM ee lagu qabtay magaalada Minneapolis Gobolka Minnesota,  ee dalka maraykanka, maalmihii Sabtida iyo Axada ee July 17/18, 2010, oo ay  ka soo qayb galeen Gudiga fulinta NSUM oo ka kala yimid aduun weynaha dacaladiisa, xubnaha ururka NSUM ee  Minnesota,  iyo wafuud NSUM  oo ka kala timid gobolada North America,  iyo shacabka  SSC ee ku dhaqan gobolka Minnesota.   Shirkaas oo lagaga tashanayey xal u helida dhibaatada gobolada SSC iyo ilaalinta midnimada Soomaaliya, waxa si gaar ah lagu gorfeeyey xaalaada maanta ay ku suganyihiin gobolada SSC, wada tashi dheer ka dib waxaa ka soo baxay go,aamadan hoos ku qoran.

1)      In Midnimada ummada iyo dalka Soomaaliya tahay lamataabtaan, ilalinteeduna tahay xil saaran dhamaan ummada Soomaaliyeed shacab iyo dawladba.

2)      Shirku wuxuu cambaareeyey cidkasta oo ka shaqaynaysa kala goynta iyo dhibta soomaaliya.

3)      Shirku wuxuu kale oo cambaareeyey maamulka Somaalidiidka ah ee xooga ku haysta degaanno ka mid ah  SSC wuxuuna ugu baaqay in si dedeg ah oo shuruud la’aan ah uga baxaan dhamaan degaanka SSC.

4)      Wuxuu ururku NSUM  ku baaqayaa in la mideeyo xoogaga xoreynta iyo midnimodoonka gobolada SSC.

5)      In  loo  diro gobolada SSC wefti balaadhan oo ka kooban NSUM, saraakiishii sare ee militeriga ee wayo aragnimo iyo aqoonta u laha xaladan oo kale  iyo waxgaradka SSC, si ay u soo mideeyaan una soo habeeyaan xoogaga kacdoonka midaynta Soomaliya  iyo xoreynya gobolada SSC.

Gudoonka Ururka, NSUM

————————————————————————————————————————
Northern Somali Unionist Movement (NSUM) is a grass roots Somali organization whose members and supporters hail from Sool, Sanaag and Cayn regions in the Northern regions of Somalia(formerly British Somaliland) and whose clan in these regions do not identify with the one -clan-driven secession calling themselves” Somaliland”. NSUM stands for the promotion of peace and unity among the long-suffering people of Somalia.