Garaad Abshir saalax oo ka mid ah isimada gobalka cayn ayaa ka war bixiyey shir beesha guuleed garaad uga socday deegaamada xamar lagu xidh iyo balicad shirkaas oo lagaga wadahadalyey sidii beesha  Guuled Garaad ay uga wada tashan lahaayeen deegaanka widhwidh oo ay qabsadeen ciidamada ka socda maamulka Somaliland iyo sidii loo midayn lahaa beesha barkad garaad islamarkaana ay mawqaf cad ugu qaadan lahaayeen kooxda Xaglatoosiye oo iyagu ku guulaystay  in ay deegaanka widhiwdh gacanta u galiyaan ciidanka Somaliland.

Garaad Abshir saalax wuxuu ka mid ahaa sedexdii garaad ee ka qayb galay shirkii lagu soo dhisay kooxda Xaglatoosiye wuxuuna muda badan la mawqif ahaa garaad jaamac garaad cali oo noqday isimka hogaamiya jabhada aan colaad iyo nabad midna ku taxaluqin,garaad abshir oo bbc laanta afka Somaliga  waraysi siiyey ayaa taageeray wadahadaladii madaxdhaqameedyada gobalka Cayn iyo bariga Burco ugu dhamaaday degmada xadhadhanka kuwaas oo ay kaga wadahadleen qodobo dhawr ah oo ay ka mid yihiin sidii ciidanka Somaliland looga rari lahaa guud ahaan gobalka cayn.

Intii shirkaasi uu socday ayaa Kooxda Xaglatoosiye  isku dayday in ay joojiyaan shirkaa iyagoo u diray dhalinyaro hubaysan oo deegaanka u dhashay kuwaas oo markii dambe la qabqabtay,kooxda Xaglatoosiye ayaan rabin wax  wada hadal ah oo nabadeed oo aysan  iyagu hogaanmintiisa mas’uul ka ahayn.

Hadalkan garaad Abshir ayaa ku soo beegmaya xili garaad jaamac garaad cali uu ku fashilmayo qorshihii uu ku doonayey inuu xidida u siibo maamul gobaleed puntand iyo shakhsiyaad ka soo jeeda beesha dhulbahante oo madax ka ah maamulka puntland ,garaad jaamac garaad cali ayaa hadafkiisa sare ku sharaxaya inuu midayanayo beesha dhulbahante una samaynayo maamul gooni ah,dedaalkaa garaad jaamac ku doonayo inuu ku dhiso maamul ssc la yidhaahda ayaan u muuqan mid hirgali kara marka la eego khilaafka beesha ka dhextaagan

Tan iyo markii uu dhacay shirkii buura wadal waxaa soo baxayey khilaaf baaxadweyn leh oo u dhaxeeya isimada ssc garaad jaamac garaad ismaaciil oo dhigay gogashii buurawadal ayaan wax saamayn ah ku yeelan gogashaas oo marki dambe uu kala wereegay garaad jaamac garaad cali.

Garaad jaamac garaad ismaaciil ayaa dhawaan socdaal uu ku tagay wadanka UK ka dhawaajiyey in beesha dhulbahante aysan u baahnayn wax dib u heshiisiin ah lakiin ay u baahantahay is fahansiin isago garaadku ka tagay oo ilaaway in beeshu in ay u baahantay turxaan bixin iyo is aaminaad,siyaasiyiin badan oo ka mid ah beesha dhulbahante ayaan la dhacsanayn sida garaad jaamac garaad cali uu wax u wado iyadoo la aaminsanyahay in garaad jaamac garaad cali ay ka dambeeyaan aqoonayahano ka soo jeeda beesha dhulbahante oo marar badan ku hungoobay siyaasada Somalia  in ay hogaanka noqdaan iyagoo u filaya in maamulka puntland uu yahay ka ,ka hortaagan in ay madaxka noqdaan dawladaha dibada lagu soo dhisayo ee Somalia, dhibaatada ka taagan gobalada SSC maaha mid u gaar ah gobalkan oo kaliya laakiin waa arimo ay la qabaan qaybo badan oo ka mid ah wadanka Somalia laakiin ssc waxay noqonaysaa jabhadii ugu dambaysay ee Somalia taas oo siyaasiyiinta beeshu ku doonayaan in jago kaga helaan shirarka soo socda ee Somalia.

Siyaasiyiinta debadaha ka soo abaabulaya kooxda garaad jaamac garaad cali ayaan gefay in ay dejiyaan qorshe saxan oo nidaamsan oo ay kaga saaraan beesha dhulabahante maamulka puntland, islamarkaana ku mideeyaan beesha dhulbahante oo ay ku wajahaan siyaasada Somalia.

Garaad saalax oo bilo ka kor ay website yada taageera maqifka garaad jaamac garaad cali ku tilmaamijireen garaadada xalaasha ah ayaa hada lagu soo daabacay inuu ka mid yahay garaadada lagu sheegay in aysan habeeenkii shaqayn,garaadada xalaasha ah waxaa la baxay garaad jaamac garaad cali iyo garaad jaamac garaad ismaaciil iyadoo xalaashana  loo la jeedo wuxuu ka soo horjeedaa maamulada puntland.