Waxaa ay maanta Gudiga Farsamada ee Xulista Barlamaanka Federaalka Soomaaliya ay shaaciyeen in 73.5% la xulay xubnihii beelaha bahweynta Soomaaliya u mateli lahaa Baarlamaanka. Halka guud ahaan laga rabey tiro dhan 275 (100%) ayaa ilaa iyo hadda waxay Gudiga Farsamdu ansixiyeen tiro dhan 202 (73.5 %.) oo ay weli dhimantahay tiro wadar guud ahaan gaadheysa 73 xubnood (26.5%.)

Waxaa xusid mudan in qab-qablayaashii Khaatumo-seeg aan lagu dhex arkin ilaa iyo hadda liiskan, iyagoo muran iyo buuqna ka dhaliyey sida beelaha SSC qaarkood ay si madax banaan ugu soo gudbisan lahaayeen xubnahooda, ayna ka go’antahay  inay faramaroorsadaan xubnahaas, ilaa iyo haddese weli fooda layskula jiro. Saddex xubnood oo Beesha Maxamuud Garaad ah iyo xubin beesha Xasan Ugaas ah oo iyaga aan cidina isku qab-qabsan ayaa iyagu liiskan ku jira, waana magacyada fartu aad u madowdahay ee ka dhex muuqda qeybta magacyada beesha Sh. Daarood.

• Beesha Sh. Daarood ayaa soo gudbisay 40 xildhibaan oo u dhiganta 19.8% marka laga saami geliyo tirada guud ee beeluhu soo gudbiyeen oo ah 202 (73.5%.)

• Beesha Shanaad  ayaa soo gudbisay 23 xildhibaan oo u dhiganta 11.4%  marka laga saami geliyo tirada guud ee beeluhu soo gudbiyeen oo ah 202 (73.5%.)

• Beesha Digil iyo Mirifle ayaa soo gudbisay 49 xildhibaan oo u dhiganta 24.3% marka laga saami geliyo tirada guud ee beeluhu soo gudbiyeen oo ah 202(73.5%.)

• Beesha Dir ayaa soo gudbisay 53 xildhibaan oo u dhiganta 26.2% marka laga saami geliyo tirada guud ee beeluhu soo gudbiyeen oo ah 202(73.5 %.)

• Beesha hawiye ayaa soo gudbisay 37 xildhibaan oo u dhiganta 18.3% marka laga saami geliyo tirada guud ee beeluhu soo gudbiyeen oo ah 202(73.5 %.)

Beesha Sh. Daarood